Новинско-издавачката установа „Македонски информативен и издавачки центар“ и оваа година ќе го одбележи најголемиот национален празник на Македонците – Илинден, со посебна акција под наслов „Сите сме деца на Илинден“.
Во соопштението на НИУ МИИЦ на припадниците на македонското национално малцинство им се упатуваат честитки по повод овој значаен празник и се истакнува важноста на овој датум. По повод одбележувањето на Илинден, сите кои ќе им се обратат до 10 август на електронската пошта niu.miic43@gmail.com, ќе добијат на подарок бесплатно едногодишно членство во клубот на читатели на установата, бесплатно членство во библиотеката на установата, како и некои од нивните изданија.
„Ова ќе биде наш мал придонес“, се наведува во соопштението на Новинско-издавачката установа „Македонски информативен и издавачки центар“ Панчево.
